EC - Pro. 打蛋

同事仔行入水吧位, 見我工作中就問.

G同事: Nana, 你又打蛋? 點解成日都喺你打蛋既?

Nana  : 因為我Pro囉! I'm the professional of 打蛋. 我係澳洲畢業架!

G同事: 畢業?有得讀既咩?

Nana  : 我咪就係Melbourne Monash U對面嗰間EC Kicten度學.....

工作有時幾沉悶, 所以回應同事都應到有D無聊. XD
唔知幾時開始, 成日都係我打蛋, 唔pro都變pro啦~

有同事覺得呢樣工作幾好玩, 其實一D都唔好玩. 

打蛋唔可以有蛋殼, 發蛋要用力. 

一小筒就有36隻蛋, 打兩筒就巳經6打蛋. 

有時一日打兩轉, 新人就叫佢慢慢打, 唔洗急, 最緊要唔好有蛋殼.
到我打蛋時, 第一筒都未開晒d蛋, 就問我打好未-.-'' 

而家有時我會練下單手開蛋~

咁打法, 我好難唔係pro.打蛋!~

生日快樂@AUS

今晚我無排行程, 無睇海賊王, 無整好多唔知咩既事.
收工去買cup cake, 幫自己準備小小開心, 慶祝屬於我既日子.

上年生日, 我為自己人生決定做一件從未諗過會做既事.
今年生日, 一個人喺澳洲無無聊聊. 雖然唔似往年生日飯排得密密滿滿, 朋友陪喺身邊.
但係喺墨爾本既呢間房, 我仍然有朋友陪我倒數, 有朋友唱生日歌我聽, 仲有朋友一齊食蛋糕, 我真係好開心.

對我嚟講, 生日係屬於自己既大日子. 第二就係聖誕節~
記得有一年生日只有自己一個, 覺得好唔開心.
今年生日都係自己一個, 但仍然覺得開心. 因為我擁有好多, 得到好多.

又大一歲喇, 又老一年喇!~其實條數係咁計 : 25+1=25~XDDD
數字幾多對我嚟講唔重要, 重要係我仲有氣有力做好多嘢.

我向蠟燭許下願望, 希望我同我珍惜既人都可以開開心心, 健健康康.

最後增埴

快要離開澳洲, 最後一次幫Myki咭同Woolworth Mobile Phone增埴.

Myki可以用一個月pass, 剛好我離開澳洲後一日到期. 

Melbourne四圍走, 全靠佢.

AU$120.2, 28日, 星期六日可自由出入Zone 1+Zone 2地區. 

一個價錢, 火車, 電車, 巴士樣樣用得.

Woolworth Mobile巳經成為Working Holiday珍品. 

擁有, 亦只能多用12個月. 

增值最後一次, 夠我去到悉尼機場玩電話.

上網可用量巳去到15GB, 睇片都唔怕無wifi.

AU$26.1 用45日, 5Gb上網, 500蚊電話費用. 

唔知今後又會有那一張電話咭可以又平又好用呢?

EC - 塵埃落定

左想右諗, 雖然覺得唔好意思, 不過醜婦終需見家翁. 

夜晚見唔太多客既時間, 就同老板娘講我做到月底. 

都預左老板娘有說話比我聽, 不過無辦法啦, Working holiday嘛, 我係Holiday大過Working好多.

有朋友覺得我太早講唔做, 自己覺得, 早講唔做, 老板娘可以安排人手會好D.
反正錢係搵唔晒, 大家好過咪幾好. 

雖然我知老板娘一定又講一大餐, but, so what~~Haha!~
佢有佢講, 我有我快樂去玩.

咁早講咗, 當然要接受嚟緊三星期排班會少, 但我可以有時間好好安排我各個地方行程. 

就算係Melbourne, 我都仲有想去既地方逛, 有地方想去食下嘢. 

最後一個月喺澳洲, 我要好好咁過. 

EC - 學生假期的工作天

呢個星期係學校放假, 客人都唔係太多, 真難得. 

客人係疏落咗, 但都唔會太少. 

加上一齊返工既新同事要熟習下工作, 所以好多嘢都比佢試, 我就變得更加要數下手指. 

今午又一次見到先落小冰雹, 落雨, 陰天, 再出太陽. Mel的天氣真是.......

企下企下都幾凍, lucky, 同事沖咗個好靚拉花既cappuccino比我, 即時幫到我暖下個人.
夜晚就試下公司新入既New brand Chai Latta, 但唔及之前既好飲. 所以之後都係唔喺公司飲Chai Latta為佳.

原本厨房民哥叫我幫佢分開D春卷皮, 不過分完又無所事事, 就貪玩幫手包越式卷.
第一條都未ok, 跟住就好快上咗手, 都包得唔差架.
誰不知包好有得食, 嘻嘻~好嘢!

夜晚發生左件好搞笑既事.
話說民哥正在要用電話錄音訂貨, 喺呢個時候, 同事A就攞住拮單既單座拮向民哥個屎忽.
最後個訂貨錄音係咁的" 你好, 呢度係Caulfield既EC Kicten...X那媽...."
聽到呢度, 我真係笑到停唔到~~~~~~~~~~XDDDDD

開開心心又一日~~~yoyo!

MEL - Hopetoun Tea Room

知道這間英式Tea Room巳經有一段時間, 為咗搵呢間嘢, 試過比Google Map呃咗去街尾-.-, 行到我屎屎下. 有次想一個人去試, 結果接近關門時間. 

當見到櫥窗果堆擺到靚一靚既蛋糕們, 真係好難唔想走入去一親糕味.

 近來, 我就有兩次機會, 可以品嚐Hopetoun Tea Room.

第一次, 朋友由Sydney到Melbourne玩, 本來想帶佢去睇下呢間蛋糕店. 

誰不知變成喺Tea room食早餐, 想唔到都唔差. 

我同Baby點左一個Atlantic Eggs同一個Hopetoun big breakfast.

食完巳無空間裝得落甜品, 離開時候, 對個櫥窗真係依依不捨.

好大碟big breakfast

Atlantic Eggs

第二次, 放假無所事事, 約Zoe去行街. 由於Zoe未去過Tea Room, 所以就由我帶路. 

結果, 又係個櫥窗太吸引, 加上唔洗排隊, 我就又幫襯. 

我食咗早餐先出門, 所以今次可以試下甜品. 

之前有聽過朋友講呢度既蛋白蛋糕好出名, 所以我就好快決定要Rovlova. 雖然英式茶都出名, 但我對茶興趣不大, 都係要杯最愛的Cappuccino. 

朋友點左Pock Jelly, 做佢既早餐/午餐. 

開心朋友好鐘意呢間Tea Room, 加上待應靚仔, 又好招呼, 朋友呢餐食得好開心. 

五花腩好軟好冧, 好好味!

蛋白蛋糕唔會太甜, 而且鬆軟, 外層蛋白脆, 會入口慢溶. 

英式事物可能巳根深柢固咁烙印係我心入面. 高貴華美既裝潢, 優雅斯文既態度, 實在令人難以抗拒.
甜品款式實在太多, 唔可以一一品嚐. 因為我仲有另一家既甜品好想去試下呢~

紅莓批睇落都好似幾好味咁.....

EC - 做節食不完

今日係中秋節翌日, 老闆同老闆娘同大家做節.
4點多, 巳有兩對情侶到來等開飯.
原來係以前舊伙記, 得到老闆娘邀請到來一齊做節.
厨房民哥, 丁哥同老闆就忙到暈.
一來要應付客人落單, 二來要煮做節飯.
一碟一碟起菜, 想像唔到今晚咁好餸.

始終我哋仲係做緊嘢, 所以可以幫手既, 我都做晒.
仲可以優先場影下食物相.
為左做節飯, 竟然要客人等半個鐘先有飯食. 哈!!
合理, 大家工作咁辛苦, 唔係食餐做節飯, 都要掛住搵錢.

做來賓既, 可以好好計劃下自己坐喺邊個位置最有利去食好餸.
我同Iris分別坐係枱頭同枱尾.
餸我就夾唔到, 但係老闆娘好照顧.
樣樣都夾比我, 所以我絶對無少食任何一樣餸.
雖然未能好好哋咁影返張相, 全因大家太掛住食, 但都開心心, 食飽飽!
滿足到巳經唔記得左今日要飲粉葛湯-,-''

      

澳洲的中秋節

中秋節正日? 人在澳洲無節日假期定位.

每日過住有餅就食, 有假就放.

食月餅食了好幾日, 今日老闆娘出動月餅全體. 

甚麼五仁, 雙黃白蓮蓉, 豆沙月......

今年在澳, 反食了上年沒有食的月餅份量......

今星期排班, 星期四收早放半日. 

發現原來正正就是中秋節正日. 

剛好有台灣朋友到Mel遊玩, 就用半日閒相約一聚. 

家韋獨自遠道而來遊Mel, 還帶我一齊食韓式烤肉, 真好!

今晚我們去了King Street的"火爐". 

餐廳環境不錯, 因為無訂位, 所以大約只可以食兩小時, 但足夠了!

菜單沒有太多選擇, 點選好就好好等待. 

沒想到一架小餐車到來, 一堆前菜, 醬料及火爐送到面前.

而且不用自己動手燒, 待應會燒好放在爐邊, 待我們享用.

慢慢細談, 發覺周圍開始人多, 未夠7點巳坐無虛席.

"火爐"是單點的韓式燒烤, 價錢有點貴, 男生到來可能食不飽. 

但我們兩個女生, 除了烤肉, 還點了石頭窩飯. 

所以滿足地完餐.

完餐便到散步閒聊環節.

由Southern Cross走到Flinder Street, 再走到Melbourne Central. 

邊走邊談, 本想要帶家韋去一些地方走走, 但晚上的澳洲, 未到8時就巳人影疏落.

可以逛的就只有Woolworth, Big W, 但也夠我們買得開心. 

原來我們都是愛朱古力跟糖果~

假期有限, 只能陪家韋一個晚上. 

希望家韋在澳洲的日子過得精彩快樂. 之後在澳讀書也得用功努力.

亦謝謝她送我中秋小禮物, 令我有食不完的零食. 

回家途中, 望上天空. 

月光又圓又光.

雖然有薄雲, 但遮不住這個八月十五的主角.

中秋包裹

今日返工感覺好累, 一來食藥覺得好睏, 二來天陰陰, 客人又多又煩.
到小休時, 不得不小睡片刻, 補補精神.
晚飯時間聽到又食海南雞, 好彩加多個燒雞扒做個雙拼雞雞. 誰知宵夜又食豬腳, 巳經短時間內食過三次.
好想夜晚不進食, 但工作體力勞動, 相隔幾小時, 好難不進, 餓住又會半夜醒.
肥妹就是這樣變成的. =.=''

Italian Tomato Moon cake, beautiful! 隻月兔畫左重眼線~~~XDD

拖住累累身軀回家, 竟然有一件包裹是我的. 好意外!
因為累, 我沒有即時拆開, 反而先食宵夜.
當打開包裹, 有零食, 有茶, 有月餅, 仲有兔仔燈籠.
很好的中秋節禮物! 感動得不知可以講甚麼.
多謝朋友又為我花費寄東西來澳洲.

非常感謝朋友們一次又一次寄件俾我.
每一次都好用心、貼心、窩心.
留澳時間快要完結, 請不要多寄東西俾我.
你們要做的是好好在香港等我這任性的肥妹回港.

MEL - 墨西哥節

食完豐富Buffet, 就去city等朋友相聚一下. 

剛好遇上Federation square搞Mexican Festival. 

話說上一次係搞台灣節, 點知......

但今次既墨西哥節又俾到我驚喜. 氣氛好好, 好多人都帶住墨西哥帽, 貼住鬍鬚. 

而台上亦有唔少墨西哥風情既歌舞表演.

我曬住太陽睇表演, 雖然唔知佢哋唱緊乜, 但勝在好有節奏感. 

期間仲有免費墨西哥片派. 我係嚟咗澳洲先開始接觸墨西哥片, 都係多得Max Papa同Rain, 哈!

睇睇下表演, 見到D幪面人行來行去, 好似摔角手. 

唔通摔角係墨西哥既出品??

墨西哥帽好靚, 好想帶下影相, 不過唔會買. 亦都好想買塊鬍鬚貼下, 扮下墨西哥大叔, 但一個人好nobird, 想等朋友一齊nobird.

點知......朋友唔知醒-.-''

最後我就去朋友住既地方附近會合佢.

剛表演完墨西哥舞的美女, 裙好靚. 後面位外國美女好可愛呢, 一齊入鏡!^^

MEL - Mesh Buffet @ Crown Promenade Hotel

老闆娘突然話做節, 請大家食Buffet. 

一個一個問, 然後不停標榜個buffet每位要AU$55.
大家傾談之下, 發現原來兩位同事都以為要自己俾錢去.

我就解釋何以老闆娘會如此標榜個價錢, 哈哈哈. 

到最後一刻, 同事仔又要我確認係咪唔洗俾錢. 哈哈哈!~

可見澳洲賺錢真的不易, 大家都需要慳D洗.

約好Long係火車站等, 但火車到都未見人. 而我又約好Iris係下一個站等, 所以遲到者不等也.
等齊人, 一洲同Anson到Flinder Street Station接我哋.
但係Crown賭場實在太太太多人去賭, 所以停車場無位泊車.
想去另一個停車場入口之際, 發現巳封.
但見到有一架私家車加速, 最後卡住係個入口度.
大家喪笑, 而Anson向那司機高舉姆指. 

終於去到Crown Promenade Hotel既Mesh, 老闆同老闆娘都巳進餐中.

Mesh既環境唔錯, 客人九成外國人, 亦有Live Band演唱. 

大家未坐定就出去睇睇有咩好食. 

感覺好似好多嘢食, 但其實兩邊食物都喺一樣. 所以款式不多, 但足以食飽. 

而甜品方面就會令人目不暇給, 見倒都開心.

源源不絶提供生蠔同龍蝦!

不同款式甜品, 令大家都好興奮!

我食嘢比較慢, 當大家完成round 1, 我仲係食緊我既round 1. 

食buffet又洗咩食到咁急, 又唔係趕時間.
平日喺公司, 邊食邊做, 想搵餐安樂茶飯食下都難.

而家舒舒服服咁享受午餐, 何必要同時間競賽, 挑戰肚皮乘載量. 

或者我食得慢, 而每次又攞唔多, 比大家覺得我好大食. 

呢個只係我既round 1, 仲有main course, soup, round 2 生蠔 同甜品+雪糕. 

到差不多尾升時, 發生件小插曲. 
話說有人去攞雪糕, 想要加朱古力漿, 點知成個雪糕球飛咗入去古力泉度, 慢慢古力漿就開始變成溶岩, 開始唔喺幼滑地流, 似奶昔咁流. 慢慢古力泉流出嚟既漿就怪怪的. 
我哋就當然笑爆咗, 而"有人"就唔好意思係古力泉附近出現.
但都比我迫佢同古力泉影返張相留念. 

當睇番上面甜品區個古力泉, 同而家呢個mixed左雪糕既, 係咪好大分別呢~XDD

平時返工好忙, 10分鐘食餐飯, 唔係有客到, 就要落單出餐. 大家雖然喺同事, 但都好少機會好好哋坐埋一齊有講有笑, 安安樂樂咁食餐飯.
難得老闆同老闆娘出手請大家食餐好, 開開心心一個星期日午餐, 好滿足~^u^ 

難得的一張, 可惜無Jerry, 民哥, 丁哥同阿姐~

第一張

問及朋友會否同我齊遊紐西蘭, 朋友答得無寧兩可, 於是我就諗自己.
唔想因為他人而影響自己想要做的, 唔想錯過想要的.
有心, 想做乜都做到.
開始上網搵旅伴齊齊遊紐.
心目中想要11月中或尾去, 不過無人-.-''
而工作人工亦未吸引到我想久留於Melbourne, 所以決定把心一橫.
11月初就開始我遊紐之旅.

當只有為自己諗, 好多事, 全都取決自己.
一小時之內決定日子, 買埋機票.
完成買機票一刻, 有種回家日子又近了.

當過度興奮之後發現何解資料上的名有錯=.='''
即時好想奇異果佢個提子. (電腦的錯)
結果要打電話去改名. 當時發現, 點都好過check-in 時發現.
好開心, 好興奮~~~

最後得知朋友真的未能同行紐西蘭時, 我巳經買好來回紐西蘭機票!
機票只係開始, 紐遊碎事即將開發, 行程的, 租車的, 要比心機搵資料.

其實我都好想朋友可以同我一齊遊紐, 不過計劃遠不及現實.
難得有個啱傾啱講, 唯有回港再一齊玩.

MEL - Geelong 尋偶記

天陰陰, 一邊白雲, 一邊烏雲. 時晴時雨, 天氣清涼, 希望不要下大雨影響玩樂. 

到Southern Cross買Vline票去Geelong.

抵達Geelong, 見到有Myki咭機, 仲以為自己盲摸摸害朋友多付車費.
原來Geelong station於七月才有Myki咭機, 以扣錢制使用.
只係望地圖一眼, 就開始出發尋找Information center取旅遊資料. 

Geelong是墨爾本十大景點之一, 今天目的是要尋找出那104個彩繪木偶.
木偶遍佈Geelong海灣. 

不約而同跟朋友對這木偶要甜蜜蜜

剛開始大家都會影木偶, 跟木偶影相. 越走越遠, 木偶見多, 大家就開始影得隨便. 由海灣邊, 找到山頭去. 

每一組木偶都會有名字, 有故事. 而每一個彩繪都好特別, 會從前面到背後, 都有好多細緻部份.
對於我這星期巳在作病期, 加上昨晚無好好睡, 晨早起身, 不得不覺有點累.
回程途中, 上車就瞓著. 

墨爾本天氣好反覆, 早幾日熱得要短袖出動, 今日就要頸巾大褸上身. 朋友共聚出街打邊邊.老實說的是, 打邊邊我不覺得特別好味, 但一定夠飽肚, 而且食得有點趕. 但朋友共聚, 快樂的, 散步回去, 仲可以遊叮叮河, 大滿足.  

Rippleside Swimming Club waterfront

P.S.: Myki咭機 : 墨爾本的八達通機, 分一區二區的收費, 同時可以於火車, 巴士及電車上使有. 有分一星期pass及一個月pass, 亦有扣錢制.

EC - 半日工作

休息半日, 可以做家務, 處理銀行事, 樂得半日閒. 

誰知老闆娘一個電話, 提早一個鐘返工. 

等我還以為忙成點, 返到餐廳可是小貓幾隻, 摘豆渡日. 

員工餐完成後, 每每都係第二輪繁忙時間. 

Melbourn 今日全日落雨, 涼涼地, 正正係煲仔飯上榜大好時機. 

同時亦係比學生們催餐燥煩時段.

唔明, 明知自己幾時夠鐘返學, 勉強要叫製作需時煲仔飯.

就算講到明要等15-20分鐘, 見隔離枱有得食, 未到10分鐘就要叫人跟跟個飯~何苦呢~~~~~

打算忙時, 同班學生講煲仔飯要等30分鐘,  應該可以省卻麻煩.

晚上見到幾個常見客人, 近來增加熟客同我傾計呢個環節.
我記得客人習慣同喜歡的, 原來係會令客人覺得有親切感.
唔少客人認為我仲讀緊書, 哈哈!!(暗地裡沾沾自喜^^)
有客人發現我半日無返工. 有客人曾於街上見到我, 唔敢同我打招呼, 因為唔知我叫咩名.

好少機會返半日工, 感覺似是更累.
放假要晨早起身洗衫, 泰嬸又鐘意晨早窗外大講大笑.
試著搵其他屋同工作.多多時間也不夠我用.

結束, 就是另一個開始

由2006年9月24日開始我打yahoo blog, 到而家yahoo blog巳經要終結. 

最全盛時期大約有三年, 不眠不休都要打完每一日blog先會瞓. 

Yahoo blog令我得到好多朋友, 記錄低發生過的心路經程. 

我經常有時間都會重睇日誌, 回憶一下曾經發生過的. 

慢慢朋友增多, 工作增多, 加上Facebook來襲, Blog變成越來越少打. 

如今Yahoo blog要終結, 大家忙住備份, 搬家. 

備份工夫當然唔少得, 而我無打算搬家. 但我仍然想打blog, 聞說Blogger係好多blog友首選, 但對blogger真係好陌生, 好多事都未有認知. 

相信用法不難, 只係對參觀其他朋友, 或者陌生朋友blog就有好多疑問. 

有朋友問何解不將Yahoo blog搬家?
那時的我因為無記性, 總愛將blog打得詳詳細細, 長篇大論. 

而家時間有限, 想做的事無限. 

想blog也有一個整體感, 所以新開始, 新地址. 

結束, 就是另一個開始. 

過去留作回憶, 享受現在才是皇道.